Муус устар 22 күнүгэр Дьокуускай куоракка Өрөспүүбүлүкэтээҕи медиа-кииҥҥэ «Чолбон» сурунаал эрэдээксийэтэ «Чолбон. Өй күрэһэ. Туймаада тургутуга» диэн саха литературатын сырдатар квиз тэрийдэ. Күрэскэ 11 хамаанда көхтөөхтүк кытынна. Кинилэр 5 түһүмэҕинэн саха литературатын, киинэтин, искусствотын туһунан ыйытыыларга хоруйдаатылар, билиилэрин тургуттулар.
Түмүккэ кыайыыны «НАП» хамаанда ылла, II миэстэни – Иннокентьевтар дьиэ кэргэн, III миэстэни – «Ситии» хамаанда. Кыайыылаахтар куорат рестораныгар, театрдарыгар сылдьар сертификатынан, билиэттэринэн наҕараадаланнылар.
«НАП» хамаанда: «Саха литературатын биир бастыҥ кэрэһитэ «Чолбон» сурунаал тэрийбит күрэһигэр кыттан бастаатыбыт, онон тэрийээччилэргэ, ааҕааччыларга улахан махтал! Маннык тэрээһиннэр элбэхтик буоллуннар».
«Ситим» хамаанда: «»Чолбон» сурунаал саха литературатыгар, историятыгар анан ыытар оонньуутун сэргээн көрөөччүбүт уонна маннык кыттар түгэн үөскээбититтэн дьоллоохпут. Наһаа үчүгэй оонньуу иһин махтанабыт. Саамай үөрбүппүт диэн элбэх хамаанда кэлбититтэн. Үстүү киһилээх 11 хамаанда үлэ чааһын кэмигэр баҕаран туран кэлбиттэрэ буолуо дии саныыбыт».
