«“ЧОЛБОН” АЙАР КЫҺАТА»
«ТУЙМААДА ЫҺЫАҔЫН КЭПСЭЭННЭРЭ» бырайыак тосхоло
- АЙАР КЫҺА ИРДЭБИЛЭ
1.1. «Чолбон» сурунаал эрэдээксийэтэ уонна «Үс Хатыҥ» архитектура-этнография комплекса, «Сахабэчээт» СӨ САТ, «ЯрСтрой» бырайыактыыр-тутар тэрилтэ (ИП Яроев Ю.В.) өйөбүллэринэн, «“Чолбон” айар кыһата» бырайыак саҥа түһүмэҕин биллэрэр.
1.2. Сахалыы тылынан суруйар, айар таһымыттан тутулуга суох, 18 үөһэ саастаах бары ааптардары кыттарга ыҥырабыт.
1.3. Айар кыһаҕа кэпсээннэри ырытан чочуйуу.
1.4. Сүүмэрдэммит 5 кэпсээн сурунаал 2026 сыл бэс ыйынааҕы нүөмэригэр бэчээттэнэр.
1.5. 5 бастыҥ кэпсээнтэн тэрийээччилэр талбыт экспердэрэ уус-уран таһымынан 1 бастыҥы быһаараллар, ону таһынан https://cholbon.online/ сайт нөҥүө куоластааһын ыытыллан ааҕааччылар 1 биһирэбили талаллар.
1.6. Бырайыак кыттыылаахтара туоһу уонна махтал суруктарынан, бирииһинэн бэлиэтэнэллэр.
- АЙЫМНЬЫГА ИРДЭБИЛ
2.1. Кэпсээн ис хоһооно, сюжета чопчу Туймаада ыһыаҕар сыһыаннаах буолуохтаах;
2.2. Кэпсээҥҥэ Туймаада ыһыаҕа үтүө өттүнэн ойууланыахтаах (омугунан, итэҕэлинэн атааннаһыныы күөртээһин суох буолуохтаах).
2.3. Кэпсээн уус-уран уу сахалыы тылынан суруллуохтаах.
2.4. Кэпсээн кээмэйэ көмпүүтэргэ 14-тээх шрибинэн таҥыллыбыт буолуохтаах, 10 сирэйтэн тахсыа суохтаах.
2.5. Бырайыак кыттааччыта кэпсээнэ ырытылларыгар, чочулларыгар, «Чолбон» сурунаалга уонна кини сайтарыгар бэчээттэнэригэр сөбүлэһиэхтээх.
- АЙАР КЫҺА ХААМЫЫТА
3.1. «Чолбон» айар кыһата кулун тутар 25 күнүттэн саҕаланар.
3.2. Кыттааччы кэпсээнин муус устар 20 күнүгэр диэри бу аадырыска ыытар: cholbonkyres@mail.ru
3.3. Муус устар 27 күнүгэр дьүүллүүр сүбэ 5 бастыҥ кэпсээни талар.
3.4. Муус устар 29-30 күннэригэр куйаар ситиминэн айар дьарыктар ыытыллаллар.
3.5. Кыттааччы ыам ыйын 6 күнүгэр диэри кэпсээнин көннөрөн ыытар.
3.6. Бастыҥнары бэлиэтээһин от ыйын 1 күнүгэр – Саха бэчээтин күнүгэр буолуоҕа.
3.7. «“Чолбон” айар кыһата» бырайыак хаамыыта «Сахабэчээт» СӨ САТ таһаарыыларын, социальнай ситимнэр уонна телевидение, араадьыйа нөҥүө сырдатыллан иһиллиэ.
