Балаҕан ыйын 11 күнүгэр Бэчээт дьиэтигэр норуот суруйааччыта, прозаик, поэт, драматург, суруналыыс, тылбаасчыт, Саха Өрөспүүбүлүкэтин культуратын үтүөлээх үлэһитэ Владимир Николаевич Фёдоров 75 сааһыгар аналлаах айар көрсүһүү буолан ааста.
Көрсүһүүнү «Полярная звезда» сурунаал бас эрэдээктэрэ Владислав Доллонов эҕэрдэ тылынан арыйда. Культура уонна духуобунас миниистирэ Афанасий Ноев Владимир Николаевичка Саха Өрөспүүбүлүкэтигэр төрөөбүт тылы харыстааһыҥҥа уонна сайыннарыыга киллэрбит кылаатын иһин анал бэлиэни. «Сахабэчээт» генеральнай дириэктэрэ Ньургуйаана Стручкова, норуот суруйааччыта Николай Лугинов, суруналыыс Олег Сидоров уо.д.а. юбиляр айар үлэтин суолтатын уонна культура сайдыытыгар киллэрбит кылаатын бэлиэтээтилэр, бэйэлэрин баҕа санааларын, истиҥ тылларын эттилэр.
Тэрээһиҥҥэ аҕыйах ахсааннаах омуктар театрдарын артыыстара Владимир Федоров «Золотые слёзы синей птицы» диэн пьесатыттан быһа тардыыны көрдөрдүлэр. Артыыстар оонньуулара көрөөччү сэҥээриитин ылла.
Манна эбэн эттэххэ, ааспыт күн П.А. Ойуунускай аатынан литература музейыгар Владимир Федоров дойдутуттан Таас Тумустан аҕалбыт харыйатын олордуутун үөрүүлээх тэрээһинэ буолбута.
Сайыына Черкашина
